La Sera Sogn Martin ei ina sera culturala a Lumbrein – entuorn ils 11 da november, il gi da Sogn Martin. Quella sera porscha divertiment, reflexiun e la finala in tec variaziun dil quotidian.
Seras vargadas
Sera Sogn Martin 2025
La Pro Lumerins ha envidau alla 17avla Sera Sogn Martin ils 7 da november 2025. El focus dalla 17avla Sera Sogn Martin steva l’artista Sandra Capaul cun siu niev ediu cudisch NOW – A UNIVERS IN CHAPTERS. Il directur dil Museum d’art dil Grischun, Stephan Kunz, ha menau il discuors cun l’artista. Per igl accumpignament musical ha il trumpettist Remo Derungs da Vignogn procurau.
Sera Sogn Martin 2024
La Pro Lumerins ha envidau alla 16avla Sera Sogn Martin ils 8 da november 2024. La sera ei stada sut l’enzenna da l’archeologia. Igl archeolog Mathias Seifert ha menau en siu referat tras temps prehistorics el Grischun. Per igl accumpignament musical han Roland Schiltknecht al hacbret e Roland Dahinden alla tiba procurau.
Sera Sogn Martin 2023
La Pro Lumerins ha envidau alla 15avla Sera Sogn Martin ils 10 da november 2023. Rest Martin Cabalzar ha referiu davart siu cudisch «Lumnezia. Ses nums e sias detgas, sia historia e sia cultura» – Flurin Caduff ha delectau cun entginas canzuns (baroccas) – accumpignaus al clavazin da Marcel Solèr.
Sera Sogn Martin 2022
La Pro Lumerins ha envidau alla 14avla Sera Sogn Martin, il di da Sogn Martin, ils 11 da november 2022 il romanist Michele Luigi Badilatti che ha presentau sia dissertaziun davart Il Viadi en l’Isla de Fronscha (1765/66) da Gion Casper Collenberg, naschius igl onn 1733 a Lumbrein ed emigraus en giuvens onns en Frontscha. En siu rapport descriva el las aventuras duront il viadi sur mar naven da Lorient en la colonia franzosa Île de France, il Mauritius dad oz.
Anita Capaul ha moderau la sera, la quala vegn accumpignada musicalmein dalla cantadura Isabella Collenberg.
Sera Sogn Martin 2021
La Pro Lumerins ha envidau alla 13avla Sera Sogn Martin. Gion Giachen Capaul che ha presentau sias duas ovras sur da Lumbrein e sur da sias alps. El discuors cun dr. Giusep Capaul ha el relatau dalla veta da cuminonza d’antruras, da pintgas e grondas midadas el decuors dil temps.
Las flautistas Selina Derungs e Daniela Ackermann han accumpognan musicalmein tras la sera cun canzuns ord la veta da signuns e pasturs.
Sera Sogn Martin 2019
La Pro Lumerins ha envidau alla 12avla Sera Sogn Martin ils 8 da november allas 20.15 uras en Casa d‘ Angel a Lumbrein la giuvna scribenta e poeta Lumneziana Carin Caduff che ha prelegiu ord sias ovras. Ella ei vegnida accumpignada musicalmein da Claudia Lombris.
Sera Sogn Martin 2018
La Pro Lumerins ha envidau alla 11avla Sera Sogn Martin ils 9 da november allas 20.15 uras la giuvna scribenta poeta Barla Coluccello da Lumbrein per ina prelecziun da ses texts essaistics accumpignai da sequenzas musicalas da Thomas Cathomen alias Tartaruga.
Sera Sogn Martin 2017
La Pro Lumerins ha envidau alla 10avla Sera Sogn Martin ils 10 da november allas 20.15 uras la cantautura e convischina da Lumbrein Bibi Vaplan per la part musicala e la redactura da cultura Esther Krättli ha dau entgins schatgs litterars.
Sera Sogn Martin 2016
La 9avla Sera Sogn Martin ha liug vendergis ils 11 da november 2016 en la Casa d’Angel a Lumbrein.
L’autura e criticra da litteratura Corina Caduff prelegia tier la musica expirementala da jazz dil bassist Daniel Salier.
Sera Sogn Martin 2015
Ils nanis da Samignun
La 8avla Sera Sogn Martin ha liug vendergis ils 6 da november 2015 en la Casa d‘ Angel a Lumbrein.
Seraina Jenal referescha ord siu cudisch da retscherca ‚Ils nanins da Samignun‘. Quei referat vegn accumpignaus musicalmein dil Duo Janett dils Fränzlis da Tschlin.
„Rätsel um Samnauner Zwerge ist gelöst“, so der Titel in der NZZ am 10.10.2003. Durch die Untersuchung von Genmaterial, das Verwandten der kleinwüchsigen Samnauner entnommen wurde, konnte Primus-Eugen Mullis vom Kinderspital der Uni Bern feststellen, dass dem Wachstumshormon-Gen der „Zweargla“ ein grosser Abschnitt fehlte. Damit ist die medizinische Ursache für den Kleinwuchs bekannt. Geblieben ist die Faszination für die acht kleinen Menschen, die im Tal Samnaun vor über 100 Jahren geboren wurden, dort lebten und arbeiteten, liebten ohne heiraten zu dürfen, von Wissenschaftlern vermessen und von Touristen fotografiert wurden, und nach einem zwar spezifischen, aber dem der normalwüchsigen Samnauner erstaunlich ähnlichen Leben starben.
Sera Sogn Martin 2014
La 7avla Sera Sogn Martin ha giu liug vendergis ils 7 da november 2014 en la Casa d’Angel a Lumbrein. Julian Sartorius accumpogna Arno Camenisch alla percussiun.
Sera Sogn Martin 2013
La 6avla Sera Sogn Martin ha giu liug vendergis ils 8 da november 2013 en l’anteriura casa communala, la Casa d‘ Angel a Lumbrein. Clau Solèr raquenta sur da surnums tier nus. Il giuven trio Paula Cadonau, Marco Grischott e Mattiu Defuns accumpogna musicalmein.
Sera Sogn Martin 2012
La 5avla Sera Sogn Martin ha giu liug vendergis ils 9 da november 2012 en Casa Communala a Lumbrein. Pia Solèr prelegia ord siu cudisch „Die Weite fühlen“, Corin Curschellas accumpogna musicalmein.
Sera Sogn Martin 2011
La 4. Sera Sogn Martin ha giu liug vendergis ils 11 da november 2011 en Casa Communala a Lumbrein. Il cabaretist Flurin Caviezel ha divertiu cun siu fin humor accumpignaus da siu meglier amitg – igl accordeon.
Sera Sogn Martin 2010
La 3. Sera Sogn Martin ha giu liug vendergis, ils 12 da november 2010 en Casa Communala a Lumbrein. Igl actur e reschissur René Schnoz ha presentau in cabaret filosofic-humoristic sur dil lungatg romontsch. Andi Schnoz e Karin Streule han enrameschau la sera musicalmein.
Sera Sogn Martin 2009
La 2. Sera Sogn Martin ha giu liug vendergis ils 13 da november 2009 en Casa Communala a Lumbrein. Il historicher e narratur Adolf Collenberg ha prelegiu anectotas e historias en connex cun Lumbrein. Quella prelecziun ei vegnida enramada musicalmein dalla cantautura Corin Curschellas.
Sera Sogn Martin 2008
L’emprema Sera Sogn Martin ha giu liug ils 8 da november 2008 en Casa Communala a Lumbrein. Igl autur Leo Tuor ha prelegiu ord differentas da sias ovras e Selina Derungs ha enramau quella sera musicalmein.
Pro Lumerins 