Fiasta d’inauguraziun
Il «Sulegl dil Péz Regina» e la «Steila dils quater vents» ein puspei uni
La sonda dils 29 da fenadur 2023 ei la populaziun stada envidada da vegnir e contemplar il cristagl schumellin ch’ei puspei ella patria.
Inauguraziun dil cristagl schumellin
Ils 29 da fenadur 2023 allas 13.30 uras ei l’inauguraziun dil cristagl schumellin a Lumbrein.
Turnaus per restar
Il cristagl schumellin ei turnaus a casa ils 10 da matg 2023.
Rapports dad RTR dils 11 da matg 2023
Il segund dals dus cristals gigants è enavos en patria
Telesguard dils 6 da matg 2022
Cristal dal Péz Regina sin viadi a chasa
Il cristagl gigant ei turnaus a Lumbrein
Ils 27 d’october 2009 ha la Pro Lumerins suttascret il contract da cumpra per il cristagl dil Péz Regina. Grazia al grond sustegn dalla vischnaunca da Lumbrein mo era da tuttas ulteriuras vischnauncas lumnezianas eis ei reussiu alla Pro Lumerins da recaltgar la gronda part dalla summa da cumpra.
Suenter ch’il cristagl gigant ei staus exponius en differnts loghens naven da Glion tochen el Giapun eis el ussa turnaus ella Val Lumnezia. Dapi Daniev 2011 ei il cristagl dil Péz Regina exponius en casa da scola a Lumbrein. Per igl avegnir ha la Pro Lumerins formulau ina visiun che preveda in spazi per plazzar il cristagl a Sietschen/Tumbas ed integrar quel ella senda mitologica che duei manar atras l’entira Val Lumnezia.
Cun la fusiun dallas vischnauncas Lumnezianas il 2012 ein ina nova opziun sedada. L’anteriura casa communala da Lumbrein ei vegnida instituida sco nova casa da cultura per la nova vischnaunca Lumnezia cul num Casa d’Angel. Igl anteriur tschalèr e pli tard archiv da vischnaunca ei vegnius modificaus architectonicamein sco cuvel per il Cristagl dil Péz Regina.
Pro Lumerins 